كيف تزيدين من حافزك بخطوات بسيطة؟
يا هلا ويا غلا بكم، في مدونتنا اليوم بنتكلم عن شيء كلنا نواجهه في حياتنا اليومية، وهو الموتيفيشن أو الحافز. كثير منا نبدأ متحمسين، ونقول “هذا هو الوقت اللي بنلتزم فيه”، بس بعد كم يوم نلاحظ الحماس بدأ يخف! هذا الشي طبيعي جداً يا بنات، لأن الحافز يجي ويروح.
لكن كيف نقدر نحافظ على هذا الحافز أو نرجعه؟ اليوم بنعطيكم خطوات بسيطة بتساعدكم تستعيدون طاقتك وترجعون في المسار الصح.
1. حددي “ليش” تبغين تغيرين؟
أول شي، اسألي نفسك “ليش أبغى أكون أقوى؟ ليش أبغى أتمرن؟”. ممكن يكون عشان صحتك، أو عشان تحسين بالثقة بالنفس. هالـ “ليش” هو اللي بيمثل لك البوصلة لما الحافز ينخفض. دايماً ارجعي له.
2. لا تخلين الكمال يوقفك
نصيحة من القلب: لا تنتظرين الكمال. مو لازم يكون عندك يوم مثالي عشان تبدأين. تمرين بسيط أحسن من لا شيء. حتى لو ما كنتي في أفضل حالاتك، المهم إنك تتحركين.
3. خليكِ واقعية
مو لازم تطلبين من نفسك تكونين مثالية طول الوقت. الحافز يطلع وينزل، وهذا شيء عادي. المهم إنك تلتزمين بخطوات صغيرة وثابتة. مثلاً، بدال ما تلتزمين بخطة قاسية، ابدئي بهدف بسيط مثل 10 دقايق مشي يومياً.
4. الحافز الخارجي مهم، لكن الداخلي أهم
صحيح إن حلو إنك تشوفين ناس حوالينك يشجعونك أو تسمعين مديح لما تشاركين إنجازاتك، لكن حاولي تبنين حافزك من داخلك. اسألي نفسك: “كيف التمرين يخليني أحس؟” وركزي على الشعور الإيجابي بعد كل تمرين.
5. احتفلي بالإنجازات الصغيرة
لا تستهينين بأي إنجاز، حتى لو كان بسيط. الاحتفال بالإنجازات الصغيرة يعطيك دفعة نفسية قوية ويدفعك للاستمرار. كل خطوة تقربين فيها من هدفك، تستحق الاحتفال!
6. استعدي للأوقات الصعبة
الحياة ما بتمشي على نفس الوتيرة كل يوم. ممكن يجيك أسبوع مليان التزامات أو حتى لحظات تشعرين فيها بالإحباط. تذكري إنه مافيه شيء يدوم، والأيام الصعبة بتمر. اللي يميزك هو إنك مستعدة، وعارفة إنه حتى لو نزل الحافز، بتقدرين ترجعينه.
تذكري دايمًا يا بنات، إن الحافز يجي ويروح، لكن اللي يصنع الفرق هو الالتزام والاصرار. كل خطوة، حتى لو كانت صغيرة، تقربك أكثر من هدفك. خلي نفسك دايمًا تركزين على ليش بدأتِ وتواصلي بخطوات ثابتة.
حطي في بالك: أنتِ أقوى مما تتخيلين!
وبعض من البرامج التي تساعدك تستمرين وتحمسك للتمرين في برامج لمى العنزي
لان فيها كلاسات كاملة
